Русија го одби повикот на НАТО Алијансата да ги надгледува најголемите воени вежби на НАТО од крајот на Студената војна, но истовреме најави свои воени вежби во истиот период.
За време на воените вежби на НАТО Алијансата, рускиот бомбардер „Ту-142“ влетал во воздушниот простор каде што се одвивале вежбите на најмоќниот воен сојуз на светот и прелетал над американскиот воен разурнувач „Монт Витни“ од Шестата флота при воената морнарица на САД.
Маринците се собрале на палубата на бродот за да направат фотографија, меѓутоа во тие моменти на небото над Норвешкото море го здогледале рускиот бомбардер. Фотографиите на рускиот бомбардер ги преплавија социјалните мрежи и предизвикаа бура на негативни реакции, а од Москва соопштија дека станува збор за рутински тест.
Russian Tupolev TU-142 flying above the U.S. Navy Ship Mount Whitney Nov 2, 2018, during the Trident Juncture NATO exercise, currently happening in Norway. Official Photo: VG Newspaper, Norway/Jonathan Nackstrand/AFP.https://t.co/Jkqkt6KELt#news #militaryaviation #navy pic.twitter.com/2r3PSSxI8x
— CaptainJetson.com (@JetsonLes) November 3, 2018
Поточно, од руското Министерство за одбрана соопштија дека два авиони од типот „Ту-142“ го извеле претходно планираниот лет во меѓународниот воздушен простор над Норвешкото море. Авионите успешно поминале 12 часа во воздух, по што се вратиле во руската воена база.
Летовите биле изведени во рамките на руските воени вежби во кои што руската морнарица ќе ги тестира своите проектили западно од норвешките островски градови Кристијансунд, Молде и Олесунд.
Западните медиуми тврдат дека со ваквата постапка, рускиот авион „ризикувал предизвикување на општа војна со сите 29 членки на НАТО, а можеби и избивање на Трета светска војна“.
Инаку, на воените вежби на НАТО Алијансата кои што се одржуваат во Норвешка, учествуваат околу 50 илјади војници, 10 илјади борбени возила, 65 воени бродови и 250 летала.
