Михаил Фоменко, кој бил познат и како австралискиот Тарзан, починал на 88. години во Квинсленд.
Тој пред 6 децении отишол во дивина да живее со крокодили и никогаш не се вратил во цивилизација. Неговата животна приказна уште почудна ја прави тоа што “Тарзан” всушност има сина крв.
Фоменко бил Русин, син на принцезата Елизабет Мачабели и атлетскиот шампион Даниел Фоменко.
Се што можел да има – моќ и богатство, оставил и отишол да живее со крокодили.
Кога Јапонија ја нападнала Кина во 1937. година, семејството побегнало во Сиднеј.
Тогаш Фоменко почнал да се оддалечува од цивилизацијата, разочаран од бегалскиот статус кој го имал и јазичната бариера, која му отежнувала да снајде во новата средина. Како што пренесуваат австралиските медиуми, Фоменко бил инспириран од “Одисеја” на Хомер.
“Михаил Фоменко беше човек кој треба да се памти по несебичната љубов кон австралиските шуми и неговата неверојатна храброст да ги брка своите сништа”, рекла неговата сестра Инеса.
Првите вести за него се појавиле во 1959. година, кога било објавено дека група локални мештани спасиле изгладнет човек од тропските џунгли полни со крокодили. Пет години подоцна, 1964. година, објавено е дека полицијата го бркала додека носел само тенко парче ткаенина околу половината, а потоа го уапсила поради непримерно однесување. Набрзо бил прогласен за луд.
Неколку години подоцна, бил пронајден со рани од борби со мечка и повторно бил однесен во лудница, каде му биле давани седативи и лечен со електрошокови. Кога бил пуштен на слобода, се вратил во дивината, каде живеел со Абориџините.
Се до 2012. година живеел во дивина, кога го преземала службата за грижа на стари лица.
