Рускиот сериски убиец кој служи две доживотни казни поради брутални злосторства изјавил дека сака да биде ослободен од затвор за да се приклучи на силите на Владимир Путин кои се борат во Украина.
Михаил Попков е поранешен полицаец кој во 2015-та година е осуден за силување и убиство на десетици жени меѓу 1992 и 2010 година во Ангарск и Иркутс во Сибир и Владивосток. Во 2018 година признал дополнителни убиства, со што бројот на негови жртви пораснал на 83, пишува „Newsweek“.
И покрај казната, руските власти и дозволиле на државната телевизија интервју со Попков, кој ги носи прекарите Врколак и Манијак од Ангарск.
Попков на прашањето на каналот „Вести“ „кој е вашиот сон“, одговорил – „да влезам во војската“. Изјавил дека признава дека борбите во Украина не се компјутерска игра и дека не се фикции со суперхерои.
„Земајќи ја предвид мојата воена специјализација, мислам дека тоа сега е многу барано“, рекол тој. „Иако сум во затвор веќе 10 години, не мислам дека би било тешко да научам нови вештини“, додал Попков.
Не е прецизирал какво е неговото воено искуство. Од затворот не ги коментирале изјавите на Попков.
A Russian serial killer would like to go to the front. But not now, when it's cold, because the cold doesn't serve him 🤷
The interview with Mikhail Popkov was issued by Russian public TV. The 'Maniac of Angarsk' killed and raped over 80 women. He serves a double life sentence. pic.twitter.com/BPHKjDxycM
— Belsat in English (@Belsat_Eng) January 15, 2023
