Стално слушам муабети као ние женските сме живееле само за да се сликаме за Фејсбук, Инстаграм и други социјални мрежи, као да тие (социјалните мрежи) постојат само за себереклама и запознавање со други луѓе. Епа дечки, видете вака, јас сум девојка која ги посетува истите тие социјални мрежи и можам истото да го кажам и за вас!
Точно е дека некои девојки можеби претеруваат, се сликаат по вециња и си прават селфиња каде и да стигнат, се разголуваат, се фотошопираат, сакаат да ги истакнат своите атрибути, од милиони фотки одбираат една на која излегле најубаво, знам, знам, дека изумре природноста, но и роботизираноста од минатиот век, кога ќе ги видам моите родители застанати еден до друг цела фамилија со рацете покрај тело како роботи, ме фаќа смеа и се држам за стомак.
Туку, друго ми беше муабетот. Вие им се потсмевате на таквите девојки, ама не само на нив, сите нас од женскиот пол не ставате во ист кош, а не сте поарни од нас! Имам забелешки до вас момци и тоа повеќе, бидејќи секој што ќе отвори профил на Фејсбук нема за цел да запознава дечковци или девојки.Ама, АМА!
Сајтовите што се за запознавање – па нели и самото име тоа го кажува, само за тоа служат, НЕ за да се слушнете со роднините и пријателите, ТУКУ да запознаете нови типови и типки. Е тука кога ќе ве видам, ми се поткрева желудникот. Па стварно не сум видела поодвратни слики од вас мажи што ги ставате на ваквите мрежи. Како прво, со кој памет ставате слики од вашите срамни органи??
Значи нема нешто поодвратно! Бљак! Не знам само што се замислувате?? Второ по одвратност ми се вашите слики без маица, со златен ланец, или златно шалче околу вратот!Па барем да бевте олимписки пливачи кога закачувате вакви фотки, ха,ха,ха…Еве се држам за стомак.
Трето по одвратност ми се вашите фотки на мотор, покрај некоја „јака“ кола… секој што ќе го видам во такво издание го пцујам, да си знаете, као видете ме каков јак мотор или кола возам?? Абе даааај….Да, да, дечки, и вие може да бидете глупи, затуцани и „лесни“, исто како и девојките кои така ги нарекувате.
Епа со таквите како вас тешко би водела длабокоумен разговор, па не се ни чувствувам поласкано ако му се допаднам на некој таков како вас. Ми тежеше и мене на душава, па морав да ви го кажам ова.Чао, пријатно, фала!
