Анонимен дојавувач објавил интересни информации, кои наводно доаѓаат од експерт од “Samsung”, кој работел на прототипот на моделот “Galaxy S10”.
Како што пренесува GSM Arena, јасно е ставено до знаење дека S10 ќе биде достапен во три големини, и дека моделот со екран со дијагонала од 5,8 инчи нема да го носи името “Lite”.
Најмалиот “Galaxy S10” ќе има чипсет и меморија како и останатите модели од линијата. Исклучок ќе биде премиум верзијата од “Galaxy S10+” моделот, која ќе има 12GB RAM и 1TB простор за складирање.
S10+ со екран од 6,4 инчи ќе има три камери на задната страна и две на предната, додека останатите телефони ќе имаат по една предна камера.
“Galaxy S10”, со екран со дијагонала од 6,1 инч, исто така ќе има три камери на задниот дел, додека најмалиот “S10” ќе има два сензори.
Кога станува збор за надворешниот изглед, уредот ќе ја има веќе стандардната црна верзија, потоа бела (Pearl) и зелена (See Green). Можно е некои од моделите да имаат и дополнителна боја, како на пример сина или жолта.
Сите три модели на “Samsung Galaxy S10” телефоните ќе имаат One UI софтвер и стандарден приклучок за слушалки од 3,5 милиметри.
Новиот “Samsung” премиум паметен телефон ќе биде официјално претставен на 20-ти февруари, а на пазарот би требало да го очекуваме околу 8-ми март.
