Министерот за здраство, Венко Филипче, во 13:30 информираше за состојбата со коронавирусот во нашата земја.
„Седум нови пациенти се тестирани за коронавирус и нивните резултати ќе бидат готови за неколку часа. Пациентите се од Штип, Куманово, Тетово, Кичево и Охрид. Дел од нив пристигнале пред 3-4 дена од Австрија и Швајцарија. Сите се јавиле со висока температура. Меѓу тестираните се и две бремени жени од Дебар“, соопшти министерот за здравство Венко Филипче.
Филипче рече дека останатите 18 пациенти заболени од коронавирусот се во стабилна состојба, а првозаболеата која сега е излечена, утре ќе биде пуштена на домашно лекување.
Околку информациите објавени во дел од медиумите, на прес-конференцијата Филипче реагираше, рече дека во овие моменти имаме околу 120 респираторни машини, од кои околу 90 се во Скопје.
На денешниот состанок со директорите на Клиничките, донесени биле повеќе одлуки:
– Целиот медицински персонал од државните и приватните болници се мобилизира и става на располагање согласно оперативниот план и да работат во здравтвена установа каде што ќе биде потребно
– Во клиниките нема да се одржуваат колегиуми со цел да се намали опасноста
– Детската болница во Козле целосно ќе се подготви да прими деца, евентуално заболени од коронавирусот
