Пејачката која стигна до сите светски медиуми поради уринирање врз лицето на еден обожавател во текот на настап, се огласи по повод настанот кој ја згрози јавноста.
Софија Уриста од бендот „Brass Against“ приредила шокантен перформанс на сцената на музичкиот фестивал „Welcome To Rockville“ поради кој никому не му било пријатно.
Имено, откако одлучила да повика еден фан на сцената, Уриста го замолила да легне, а потоа ги спуштила панталоните и започнала да уринира врз него додека пеела.
Sophia Urista, lead singer of band Brass Against, urinates on willing fan’s face onstage at Welcome To Rockville music festival at Daytona International Speedway #BecauseFlorida: https://t.co/pCk3nquKQ3 pic.twitter.com/N6WWkethrU
— Billy Corben (@BillyCorben) November 13, 2021
Софија сега објави изјава во која признава дека можеби отишла предалеку „во име на уметноста“.
„Секогаш ги поместував границите во музиката и на сцена. Таа вечер ги поместив границите предалеку. Го сакам своето семејство, бендот и фановите повеќе од се и знам дека некои беа повредени или навредени од она што го направив. Им се извинувам и сакам да знаат дека не сакав да ги повредам“, напишала Уриста и додала:
„Јас не сум скандалозен уметник. Секогаш сакам музиката да ја ставам на прво место. Благодарна сум за сета ваша љубов и поддршка“.
