Русија прв пат го отповикала својот амбасадор од Америка поради се позатегнатите односи на овие две држави.
Амбасадорот на Русија во Вашингтон, Анатолиј Антонов, им се заблагодарил на американските државјани кои пратиле писма за поддршка на пријателските руско-американски односи и се извиниле поради односот на американските власти кон Русија.
“Длабоко сум трогнат од грижата и активниот однос на обичните Американци кои разбираат дека дијалогот меѓу нашите две земји мора да биде втемелен на заедно почитување и еднаквост. Таквиот однос на граѓаните на САД ни укажува дека се уште постои потенцијал да се нормализираат односите меѓу Русија и САД”, објавил амбасадорот на Русија на Фејсбук профилот на руската амбасада и додал:
“Се надевам дека американската администрација ќе има слух за пораките кои ни ги упатија американските гласачи и дека ќе прекине однесувањето кое доведува до уништување на односите и продлабочување на конфронтацијата”.
Претседателот на САД, Џо Бајден, минатата среда во интервју за “ABC” рекол дека руското раководство ќе плати за мешањето во изборите во САД и рекол дека го смета Путин за убиец.
Путин после тоа го повикал на јавен разговор, но Бајден не ја прифатил дискусијата со рускиот претседател.
