Дарен Меклинток (28), Британецот со прекар Дибси за само 12 месеци ослабнал неверојатни 130 килограми.
Тоа е речиси половина од неговата вкупна тежина, а за целосно да го смени животот му помогнал тренерот Мајк Хинди кој му подготвил ригорозна диета и распоред на вежбање.
Вежбал седум денови неделно, без отстапки.
И не само тоа, луѓето покренале и акција за собирање пари за операција за на Дарен да му се отстрани вишокот кожа од телото.
Дибси сакал да ослабне околу 65 килограми, но Мајкл знаел дека може подобро па му дал цел да ослабне половина од неговата вкупна тежина што било околу 130 килограми.
Дибси пред крајот од својот предизвик рекол: „Имам уште пет недели за да симнам 6.5 килограми за да ја достигнам мојата цел“ – а до целта стигнал неодамна.
Мајк на почетокот од оваа авантура за Дибси ги посетил сите негови тогашни омилени ресторани за брза храна и таму поставил флаери на кои пишувало: “Спасете го Дибси. Дебелината го убива. Не послужувајте му храна“.
Тој вели дека е горд на својот Дарен затоа што сето ова успеало и без операција на желудникот, но сега потребни му се пари за отстранување на вишокот кожа. Операцијата чини околу 1000 фунти.
Тој гостувал во утринското британско шоу кај Филип и Холи и кажал дека сè направил на “олд скул“ начин. Без шејкови, без таблети, без никакви суплементи. Јадел 3.000 калории дневно и тренирал. А, за Мајк вели дека му го спасил животот.
Оваа голема животна промена му ја донела Џејд со која се во контакт откако завршил со програмот.
Овој млад човек од Велика Британија и 28-годишната девојка сега се во врска, а Дарен за неа кажал дека е најдобрата жена на светот.
