Се распаѓа британската влада! Се редат оставки поради Брегзит, фунтата паѓа, хаос на берзите! Тереза Меј се правда во парламентот, пратениците ѝ се смеат

1495

Неколку министри поднеле денес оставки во британската влада, во знак на протест поради договорот на премиерката Тереза Меј со Брисел за излегување на Велика Британија од Европската унија.

Тереза Меј во парламентот го брани договорот, а пратениците и се смееле посебно кога кажала дека финалниот договор и овозможува на Британија “лесно и по прописи да ја напушти Унијата” до март 2019. година.

Прв оставка поднел министерот за Брегзит, Доминик Раб, во знак на протест поради договорот на премиерката Меј за излегување од Европската унија, истакнувајќи дека “совеста не му дозволува” да го поддржи нацртот на тој договор.

Во рок од само неколку часа, оставка поднеле и министерката за работа и пензии Естер Маквеј, пратеничката во владејачката Конзервативна партија и помошничка на министерот за образование Ан-Мари Тревелијан, и државната министерка во Министерството за Брегзит, Суела Брејверман.

Сите своите оставки ги образложиле со незадоволство и загриженост поради нацрт договорот за Брегзит на премиерката.

“Утрово ја информирав премиерката дека ја напуштам нејзината влада”, напишала Маквеј на Твиер.

И Шејлиш Вара, министер за Северна Ирска, поднел оставка поради нацрт договорот за Брегзит.

Фунтата утрово паднала на Лондонската берза за повеќе од 1,0 проценти наспроти доларот и еврото, а цените на акциите паднале по веста дека британскиот министер за Брегзит, Доминик Раб, поднел оставка.

Британската валута на многу волатилното тргување паднала за еден процент во однос на доларот, на 1.2849 долари, и за 1,3 проценти во однос на еврото, на 88,23 пенија, јавува “Reuters”.

Тереза Меј вчера објавила дека по петчасовен состанок обезбедила поддршка од владата кога станува збор за состанокот.

Европската комисија и Велика Британија постигнале вчера договор за условите на Членот 50 кој се однесува на Договорот за повлекување, соопштено било од Европската комисија.

ПОВРЗАНИ НАПИСИПОВЕЌЕ ОД АВТОРОТ