Се враќаат Нео и Тринити: Се снима Матрикс 4

Последната вест гласи дека ќе се снима Матрикс 4. Тоа што е потврдено е дека Кијану Ривс и Кари-Ен Мос ќе се појават во главните улоги, како Нео и Тринити.

Тоа што уште се знае е дека Лена Вачовски, оригиналниот сценарист на Матрикс, ќе го пишува сценариото и ќе го режира филмот, додека на продукцијата и дистрибуцијата на филмот ќе работат Варнер Брос и Вилиџ Роудшоу.

Од Ворнер Брос велат дека “сите се многу возбудени што се враќаат во светот на Матрикс” и дека одвај чекаат да зачекорат во ново поглавје на овој универзум. Според најавите, продукцијата на филмот ќе почне некаде на почетокот на 2020-та година.

Сосема неочекувани, но истовремено одлични вести, така што одвај чекаме да видиме што ќе ни донесе новото поглавје на оваа приказна и на кој начин ќе се објасни тоа што се случувало во последниот дел.