“На влезот во Лувр ме застанаа и не сакаа да ме пуштат да влезам само затоа што не им се допаѓаше како сум облечна. Беа грозни кон мене, срцето ми е скршено. Мислев дека Лувр го отфрли тоа застарено правило”, напишала 25-годишната Њуша Сјех на својот Инстаграм профил.
Девојката објавила и фотографија на која е облечена во спорниот аутфит, за кој самоуверено тврдела дека би му се допаднал на Пикасо.
Многу коментирале дека нема причина за ваквата забрана бидејќи не постои дрес код за влез во познатиот париски музеј.
“Всушност единствено важно е да облечете удобни чевли бидејќи ве чека многу одење. Кога бев таму ова лето, многу девојки беа во кратки шорцеви. Најмногу ми одеа на нерви Кинезите со чадорчиња на главата. Подобро на тие да им е забранет влезот отколку на жена која открива убаво деколте”, напишал еден од корисниците на социјалните мрежи.
Во правилото на музејот сепак стои дека е “забранет влезот во костим за капење, гол, бос или со откриени гради”, а очигледно последното било пресудно за провокативната Њуша.
Таа инаку се занимава со моделинг, а во Париз била на романтично патување со својата девојка со која неодамна се венчала. Со оглед на тоа што на нејзиниот Инстаграм профил, на кој има повеќе од 250 илјади следбеници, таа е често разголена, секси париското издание може да се нарече и “скромно” според нејзините критериуми.
