Зијадин Села, лидерот на Алијанса за Албанците, смета дека Бугарија се уште има територијални претензии кон Северна Македонија.
Претседателот на опозициската партија во јавувањето во студиото на ТВ21 додава дека политичките случувања во регионот, под печатот на евроинтегративните преговори, ја враќаат темата на почетокот на 20 век.
„Темата што ја отвори Бугарија во последно време, со неприфаќање на македонскиот идентитет и јазик, од моја гледна точка, тоа што не се кажува во овој случај, е дека Бугарија и натаму има територијални претензии кон Македонија“, вели Зијадин Села.
Тој исто така смета дека македонско-бугарскиот спор е многу поголем и дека проблемот не е само во историските личности.
На Села не му се допаѓа исто така тоа што албанскиот политички фактор воопшто не учествува на теми од ваква важност и дека учениците Албанци во Македонија не ја изучуваат својата историја.
