Северна Кореја денеска лансираше најмалку два проектили за кои постои сомнение дека се балистички ракети, потврдија за британската новинска агенција „Ројтерс“ високи функционери од Јужна Кореја, Јапонија и САД.
Тоа е најголемиот севернокорејски инцидент откако американскиот претседател Џо Бајден стапи на должност во јануари оваа година.
Севернокорејските балистички проектили се забранети со резолуции на Советот за безбедност при Обединетите нации, а доколку се потврди дека станува збор за такви ракети, тоа ќе биде нов предизвик за напорите на Бајден во соработката со Пјонгјанг.
Од јужнокорејската армија потврдија дека најмалку „два неидентификувани проектили“ биле лансирани во морето од працец на севернокорејската провинција Јужен Хамгјонг на источниот брег.
Јужнокорејските и американските разузнавачки служби ги анализираат податоците за лансирањето со цел да добијат дополнителни информации.
Американските власти за „Ројтерс“ потврдија дека официјален Пјонгјанг наредил лансирање на нови проектили, но не открија детали за какво вооружување станува збор.
