Севернокорејските власти порачаа дека шефот на американската дипломатија, Мајк Помпео е главната пречка во преговорите помеѓу Пјонгјанг и Вашингтон.
Министерот за надворешни работи на Северна Кореја, Ри Јонг Хо порача дека главна пречка во преговорите помеѓу Пјонгјанг и Вашингтон е американскиот државен секретар Мајк Помпео кого го нарече „тврдоглав токсин“.
Хо меѓу другото истакна дека Северна Кореја е подеднакво подготвена за дијалог, исто како што е подготвена и за судир.
Да потсетиме, преговорите помеѓу двете земји застанаа после пропаднатиот самит на Трамп и Ким во виетнам оваа година. После тоа, лидерите на двете земји се сретнаа повторно на границата помеѓу Јужна и Северна Кореја во јуни и изразија желба за продолжување на договорот, но тоа не се случи.
Министерот за надворешнии работи на Северна Кореја истакна дека Помпео е клучниот проблем затоа што тој најсилно заговара политика на воведување на жестоки санкции против неговата држава.
Имено, Помпео овие денови во разговор за медиумите истакнал дека санкциите против Северна Кореја ќе бидат на сила се додека севернокорејските власти не направат конкретни чекори кон денуклеаризацијата.
