Во нејзиното гостување преку skype во САМО ВИСТИНА, при едно наше прашање кажа една пред се неетичка изјава која истовремено е сериозна лажна информација!
Канал 5 ТВ го прифаќа извинувањето , кое покрај човечката димензија како што самата напишала , очекувавме да биде и професионална , односно етичка, затоа што почитувана Јагода Шахпаска е и медициско лице, и е недолично со таква леснотија да обвини новинар и цел еден највлијателен медиум дека некого сме довеле во опасност.
При тоа не е коректно да даде изјава:
„вие имавте колега новинар кој што во студио ги доведе во опасност и ризик претседателите на најголемите политички партии во оваа држава, па после тоа и двајцата мораа да одат во изолација“
со што на директен начин не обвини сите вработни во Канал 5 дека свесно сме ширеле зараза и сме биле довеле некого во опасност што се покажа како крајна невистина,а веројатно поради некои , само за нејзе , познати мерки кои не биле превземени во тој период од страна на Канал 5 ТВ ( 2 и 3 Април ), а за што постојат сведоци од нејзината партија.
За тоа какви мерки Канал 5 ТВ превземал во тој период и сега, претставничката на СДСМ може слободно да провери како се „опремени“ тимовите на Канал 5 ТВ кога одат на терен, и оние екипи кои работат во нашата зграда.
На крај, веруваме дека сите граѓани на Македонија па и политичарите се нервозни од целава оваа пандемија која можевме да ја гледаме само као дел на некои аучно-фантастични филмови од блиското и далечно минато, и затоа веруваме дека ваков „гаф“ нема повеќе да и се повтори на Јагода Шахпаска
Канал 5 ТВ
