Претседателот на Франција, Емануел Макрон, се огласи после инцидентот, кога во текот на разговорот со граѓаните, еден маж му удрил шлаканица, истакнувајќи дека се работи за изолиран настан и дека не треба да му се дава големо значење.
„Не треба да им се дозволи на агресивни луѓе да владеат на јавна дебата. Тие не го заслужуваат тоа. На тоа треба да му се даде ограничено значење, бидејќи се работи за посебен инцидент. Тоа не треба да ги фрли во сенка останатите важни теми“, рекол претседателот на Франција, пренесува локалниот портал „Дофин“.
Someone just slapped France's president Macron lol wtf pic.twitter.com/ZmlCXLj3Rn
— mx (@MessiMX10i) June 8, 2021
Тој додал дека ништо нема да го спречи да разговара со луѓето.
Да потсетиме, за време на посетата во францускиот департман Дром, еден од присутните на улицата му удрил шлаканица на Макрон.
Пред да го удри, човек од јужниот француски регион Дром, извикувал „Долу Макрон!“.
После овој инцидент, приведени се две лица.
