Иако се сметало дека њујоршкиот мафијашки бос, Франческо Кали, познат како Френки Бој, бил убиен од некој од противничките фамилии, полицијата го уапсила 24-годишниот Ентони Комело, кој не е член на ниедна мафијашка организација.
Потсетуваме, во 53-годишниот Кали биле испукани најмалку шест куршуми, по што напаѓачот со возило го прегазил мафијашот.
Комело го застрелал Френки Бој пред неговата куќа на Стетон Ајленд.
Наводно, Комело се налутил што Френки Бој не му дозволил да се забавува со неговата внука. Комело е градежен работник кој често пушел марихуана и мафијашот му рекол дека не е доволно добар за неговата внука.
Меѓутоа, поранешниот агент на ФБИ, Дејвид Шапиро, не верува дека Комело работел сам.
“Би било чудно ако немал помош од други страни”, рекол тој.
Комело сега го чуваат нови проблеми бидејќи во затвор би можел да биде мета поради што ќе биде изолиран од другите затвореници.
Шапиро верува дека би можело да дојде до одмазда и дека Комело дури и страда во притвор.
Инаку, Кали, член на озлоголасенато семејство Гамбино, не се појавувал многу во јавноста и водел повлечен живот. Заслужен е за регрутирање на нови членови, посебно имигрантски гангстери од Италија. Се фокусирале на трговија со хероин и оксиконтин.
Во 2008-ма година одлежал затворска казна од 16 месеци за изнудување на пари.
Кали има потекло од Сицилија и бил поврзан со тамошната мафија. Со ова станал највисоко позициониран мафијаш убиен во Њујорк уште од 1985-та година, кога бил ликвидиран Пол Кастелано.
