Дилемата околу тоа кој играч од бронзената генерација на Хрватска го продава својот медал освоен на Светското првенство од 1998 година, доби разрешница.
Јавноста во Хрватска беше шокирана со тоа дека на интернет може да се најде оригинал бронзен медал, освоен на СП во Франција, каде Хрватска на крајот беше трета.
Долго се шпекулираше чиј може да биде анонимусот кој го продава својот медал, а сега тоа е објаснето и разјаснето.
„Медалот не е од оние 30 кои ги добија Хрватите пред 20 години. Медалот го продава човек кој пред 10 години го купил медалот од претставник на ФИФА“.
„Овој медал е од оние 10 дополнителни кои беа поделени на претставници во ФИФА. Таа 1998 година, беа произведени вкупно 40 медали, од кои 10 завршија на разни локации и луѓе блиски до ФИФА“, открива близок соработник на ФИФА.
