Твитер пораката на јапонскиот премиер Шинзо Абе во која тој ги повикува сонародниците да останат дома поради коронавирусот, предизвикала бесни реакции на социјалните мрежи.
Обвинет е дека е безчувствителен кон луѓето кои го немаат луксузот да се одмараат во својот дом, откако владините мерки за социјално дистанцирање не биле проследени со надомести.
Во некои од реакциите на неговата Твитер порака пишувало дека се однесува како Аристократ, додека други се прашуваат “што мисли тој, кој е?”.
Едноминутното видео го прикажува Абе како седи дома, без никаков израз на лицето, гали куче и чита книга и стиска на далечинскиот управувач.
友達と会えない。飲み会もできない。
ただ、皆さんのこうした行動によって、多くの命が確実に救われています。そして、今この瞬間も、過酷を極める現場で奮闘して下さっている、医療従事者の皆さんの負担の軽減につながります。お一人お一人のご協力に、心より感謝申し上げます。 pic.twitter.com/VEq1P7EvnL— 安倍晋三 (@AbeShinzo) April 12, 2020
Во истата снимка, во друг дел од екранот, прикажан е популарниот пејач и актер Ген Хошина, како свири на гитара дома, но тој подоцна преку Инстаграм напишал дека таа снимка била употребена без негова дозвола.
Абе минатиот вторник прогласил вонредна состојба во Токио и уште шест области и побарал од сонародниците да останат дома и да ја намалат интеракцијата со други луѓе за 80 проценти, но многу јапонски компании бавно преминуваат на новите мерки, а работниците и по снимките одат на работа со јавен превоз.
Заклучно со неделата, во Јапонија се регистрирани 7.255 потврдени случаи на зараза со коронавирус, како и уште 712 случаи од крузерот кој бил во карантин на почетокот на оваа година.
