Поранешниот полицаец Дерек Шовин е прогласен за виновен по сите точки од обвинението за убиството на Афроамериканецот Дерек Шовин во Минеаполис минатата година.
Откако му беше соопштена пресудата, полицаец го изнесе од судницата Шовин, а еден детаљ го привлече вниманието на јавноста. Имено, на дланката на Шовин можеше да се забележи дека има нешто напишано, а со оглед на тоа што неговите две дланки беа отворени, многумина претпоставија дека Шовин има намера да испрати порака до јавноста.
Сепак, Ерик Нелсон, адвокатот на Дерек Шовин за “TMZ” потврди дека осудениот полицаец набрзина го запишал неговиот телефонски број.
Како што пренесува “TMZ”, Шовин сакал да се осигура дека го има телефонскиот број од неговиот адвокат во случај да биде осуден и да биде испратен зад решетки, што и на крајот се случи.
Нелсон открил дека неговиот клиент знаел дека поротата ќе го прогласи за виновен, со што ќе му биде повлечена кауцијата и ќе му биде одреден притвор.
На Шовин му се заканува казна затвор од максимални 40 години, а точната пресуда ќе биде позната за околу два месеци. Тој беше прогласен за виновен по сите три точки од обвинението: Убиство од втор степен (максимална казна од 40 години), убиство од трет степен (максимална казна 25 години) и убиство од небрежност (максимална казна 10 години)
Шовин може да добие најмногу 40 години затворска казна затоа што таков е законот во сојузната држава во која му се суди. Меѓутоа, некои аналитичари се сомневаат дека поранешниот полицаец ќе добие максимална затворска казна, а некои шпекулираат дека ќе добие најмногу 12 години.
Неговите колеги, Џеј Александер Куенг, Томас Лејн и Тоу Тао се осудени за помагање и поттикнување на убиство и наскоро ќе започне и нивното судење.
