Патувањето со воз повеќе не е начин само да се пристигне од едно на друго место. Имено, полека станува голема комфорна авантура: поглед кон прекрасните куќи на ридовите со импресивните глечери и планински врвови додека комфорно уживате во своето седиште и пиете суво бело вино.
Во март следната година Глечер Експрес (Glacier Express) ќе Ви го овозможи тоа со неговата Извонредна класа. Ова е новиот фенси начин за да се пристигне до Цермат.
Премиум класа – седиште до прозорец
Патувањето со Глечер Експрес е нешто што некогаш во животот мора да го направите доколку патувате низ Швајцарија. Премиум панорамскиот воз го започнува своето патување од Сент Мориц, низ Албула и Бернина, долж клисурата на Рајна и конечно поминува низ патот Оберал до Цермат.
Услуга
Луксузот започнува уште пред да влезете во возот. Вработените ги поздравуваат гостите на влезната врата на возот и се грижат за Вашиот чек ин и багажот. За време на патувањето, екипажот се грижи за гостите, дали им е пријатно или имаат некаква потреба од нешто. Без разлика дали ќе Ве послужат со шампањ или вкусно суфле со лосос или ќе Ве информираат за природата, државата и населението, патувањето секако нема да Ви биде здодевно.
Јадете, пијте, опуштете сè и уживајте
Специјалната гастрономска понуда достигнува високо ниво. Софистицираните оброци вклучуваат и селектирани вина, како што е амјус буше и шампањ. Совршената местоположба за уживање на пијалакот за добредојде е ексклузивниот Глечер Бар со извонредна глетка.
Информации за Глечер Екпрес
Возот своето прво патување ќе го започне на 2 Март 2019 година, а резервациите за седиштата треба да ги направите 90 дена пред датумот за поаѓање. Има само 20 слободни седишта кои нудат навистина ексклузивно искуство. Возот ќе патува два пати во денот, односно од Цермат до Сент Мориц и обратно. За целосната рута потребен Ви е билет од прва класа.
Возењето на овој воз е прекрасно искуство и празник за Вашите очи и уши. Со оваа услуга, Глечер Експрес ја нуди најексклузивната туристичка авантура во Швајцарија.
