Повеќе луѓе се повредени во експлозија на гас во градот Меминген на југот на Германија, јавува Билд, повикувајќи се на портпаролот на полицијата.
Весникот наведува дека не може да се исклучи можноста од нови експлозии во зградата на Црвен крст во Баварија, пренесува “Reuters”.
Се додава дека најмалку четири лица се повредени, од кои едно лице потешко.
Несреќата се случила рано наутро во околу 6 часот во зградата на Баварскиот Црвен крст, пренесува “Bild”.
Според пишувањето “Allgäuer Zeitung” потешко повредена е жена која е префрлена со хеликоптер во болница во Мурнау. Се претпоставува дека таа жена ја предизвикала експлозијата.
Mehrere Verletzte – Gasexplosion beim Roten Kreuz in Memmingen https://t.co/NYdRwJF6bF #Muenchen Nachrichten
— BILD München (@BILD_Muenchen) February 5, 2021
Според весникот станува збор за чистачка која ги чистела просториите на Црвен крст. Кога го запалила светлото дошло до експлозијата, тврди весникот, но тоа не го потврдиле ни полицијата, ни пожарникарите.
По експлозијата евакуирани биле станарите на сите згради во окружение.
