Руската војска соопштила дека исчезнатиот авион “IL-20” бил урнат од сирискиот систем “PVO S-200” и дека загинале 15 членови на екипажот.
“Израелскиот напад на Сирија предизвика ланец од случувања, што доведе до рушење на рускиот “IL-20” авион од страна на сириските “S-200″ ракети”, соопштила руската војска.
“Москва го задржува правото на одговор”, се додава во соопштението.
⚡️Скриншот с брифинга МО — видна траектория израильских F-16 (синим) и нашего Ил-20 (красным) pic.twitter.com/m3kgBZzyMe
— RT на русском (@RT_russian) September 18, 2018
Во понеделникот навечер четири авиони на израелската авијација “F-16” нападнале мети во Латакија. Израелските авиони се спуштиле на мала висина и “создале опасна ситуација за другите авиони и бродови во регионот”, се наведува во соопштението на руската војска.
Војската додала дека бродови на француската морнарица, како и рускиот авион “Il-20” биле во подрачјето на израелската операција.
“Израелските пилоти го користеа рускиот авион како штит и го означија како мета за силите на сириската воздушна одбрана. Како последица на тоа “Il-20”, кој има пресек на радар значително поголем од “F-16”, беше погоден од проектил на ракетниот систем “S-200″”, се наведува во соопштението.
Руското министерство нагласило дека Израелците знаеле дека рускиот авион е присутен на тоа подрачје, што не ги сопрело провокациите. Израел исто така не ја предупредил Русија за планираната операција. Предупредувањето дошло минута пред почетокот на нападот, што “”не оставило време рускиот авион да се премести на безбедно подрачје, се наведува во соопштението.
