Денес во Граѓанскиот суд во Скопје денес беше закажано првото рочиште од тужбата на приватната болница „Систина“ до Бојан Јовановски.
Приватната болница „Систина“ преку суд бара од Бојан Јовановски да ѝ исплати 10 илјади евра за оперативен зафат за стеснување на желудникот. Сепак, рочиштето во Граѓанскиот суд денес беше откажано затоа што од адвокатското друштво кое го застапува Јовановски било повлечено полномоштвото за Боки 13.
Адвокатката Јелена Симиќ пред судот изјави дека адвокатското друштво не можело да стапи во контакт со Бојан Јовановски кој моментално е во притвор.
Бојан Јовановски добил фактура во април оваа година, но се уште не ја платил, па затоа целиот случај заврши во суд.
Како што е познато, Јовановски досега во повеќе наврати се пожали од „од неуспешниот оперативен зафат“ во приватната скопска болница „Систина“ и поради тоа често пати завршуваше на скопските клиники. Боки 13 поради тоа побара и укинување на мерката притвор и заменување со домашен притвор.
