Месеци пред несреќата во Етиопија, во која во неделата загинале 157 луѓе, пилотите се жалеле кај американските федерални власти на авионот “Boeing 737 Max 8”.
Жалбите ги поднеле пилоти кои биле на летовите во октомври и ноември 2018-та година и тие биле внесени во федералната база на податоци, пишуваат западните медиуми.
Сите жалби се однесувале на “безбедносниот механизам”, кој е наведен во прелиминарниот истражен извештај за несреќата во Индонезија во октомври. Тие се однесуваат на проблемите со авионите “Max 8”, кој при полетувањето користи автопилот.
Pilots in the U.S. complained at least 5 times in recent months about problems controlling their Boeing 737 MAX 8 jets during critical moments of flight https://t.co/nBR1NBKsaQ
— POLITICO (@politico) March 13, 2019
Пилотите навеле дека тој авион непосредно по полетувањето одненадеж знаел да се заврти со носот кон земјата.
“Фактот дека овој авион бара многу работа за да биде во летачка состојба е дефинитивно предупредување”, навел еден пилот во жалбата. Несовесно е што федералните власти, заедно со воздухопловните компании продолжуваат да им дозволуваат на пилотите да летаат со авиони, а притоа да не објаснат како MAX 8 се разликуваат од останатите авион, додал пилотот во жалбата.
Во вчерашното соопштение Американската федерална агенција за авијација навела дека во текот на прегледите на авионот не била утврдена причина поради која сите модели би требало да бидат приземени.
