Завршувајќи ја годината на пандемија и затворени граници, секој од нас има желба во следната година да можеме без пречки да патуваме и да посетиме што поголем број земји. Додека ние сакаме да ја посетиме Европа, европејците имаат желба да дојдат во Македонија. На една таква листа со земји кои треба да посетат се најде и нашата држава, односно главниот град – Скопје.
Авторот на статијата е инстаграмџија кој живее во Ливерпул, и често патува до сега посетил повеќе од 20 земји. Тој вели дека oвој дел од Европа е помалку населен и во постковид период е одличен за избегнување на гужвите и метежот. Додава дека Скопје е град во кој може да се најде за секого по нешто. Од историските места како посебно интересен го посочува Кањонот Матка.
Никој не сака да доцни на забавата, затоа посетете го Скопје, на крајот заклучува тој.
