Севернокорејскиот лидер Ким Јонг Ун го надгледувал тестирањето на новоразвиеното, високотехнолошко стратешко оружје, објавија севернокорејските медиуми, пренесува јужнокорејската новинска агенција „Јонхап“.
Севернокорејската државна телевизија, без наведување на детали, објавила дека оружјето чие што тестирање лично го надгледувал Ким било „истражувано и разработувано подолго време“, а тестирањата биле успешни.
Американските аналитичари пред неколку дена соопштија дека лоцирале повеќе од половина од околу 20 тајни севернокорејски постројки за развој на ракети.
North Korea’s state media announced this morning (Seoul time) that leader Kim Jong Un inspected the site for testing a “newly developed cutting-edge tactical (전술) weapon.” Changing wording as Yonhap changed it from strategic to tactical. @Reuters https://t.co/wdKCvAqWgh
— Jeongmin Kim (@jeongminnkim) November 15, 2018
Тоа укажува на предизвиците со кои што администрацијата на американскиот претседател Доналд Трамп се соочува кога станува збор за придржувањето на Северна Кореја на било каков евентуален договор за ставање на крај на нуклеарната и ракетната програма на Пјонгјанг.
Откритието, кое што е објавено во периодот кога преговорите помеѓу америкканската администрација и Северна Кореја се во застој, се засноваат на сателитски снимки.
Наводно биле идентификувани 13 тајни постројки кои што се користеле за производство на ракети и слична технологија.
