Нападот на хидроелектраната Ел Гури, најголема во Венецуела, го извел снајперист кој користел пушка со голем дострел, изјавил претседателот Николас Мадуро.
Шефот на државата додал дека во наредните часови очекува добри вести за обновата на снабдувањето со електрична енергија, иако предизвиканата штета е оценета како многу сериозна. Тој исто така ги повикал граѓаните да останат мирни и да не паничат.
Во понеделникот навечер, во Венецуела дошло до масовно замрачување: најмалку 16 од 23 држави, како и градското подрачје на Каракас, било целосно или делумно без струја. Каракас соопштил дека причина за вонредната состојба е организиран американски напад на хидроелектраната Ел Гури.
Подоцна снабдувањето со електрична енергија било обновено речиси во целата Боливарска Република, но на 26-ти март, венецуелскиот министер за комуникации и информации, Хорхе Родригез, соопштил за нов напад на електроенергетскиот систем на земјата.
Ова е втор инцидент на хидроелектраната Ел Гури за еден месец. Претходниот се случил на 7-ми март, и предизвикал снемување на струја. Најмалку 20 од 23 држави останале без струја. Работата на претпријатијата и владините институции речиси една недела била сопрена.
What is #Caracas #Venezuela like during the blackout… pic.twitter.com/RfWmVY0AOc
— sonia schott (@schottv) March 28, 2019
Националната корпорација Корпоелек инцидентот го нарекла саботажа и епизода во енергетската војна против Венецуела. Седум дена подоцна напојувањето со електрична енергија било обновено. Меѓутоа, во некои региони и натаму доаѓа до прекини во снабдувањето со електрична енергија.
