На Фејсбук утринава се појавија фотографии од првиот снег месецов на Попова Шапка.
-Дали зимата ќе ни започне порано од очекуваното, стои во опис на фотографиите на кои се гледа дека планината почнува да белее.
Од УХМР најавуваат дека денес во доцните попладневни часови може да се очекува дожд на пониските места и снег на планините.
Времето денеска ќе биде малку до умерено облачно со сончеви периоди. Попладне и од југозапад облачноста ќе се зголемува и кон крајот на денот и во текот на ноќта на југозапад ќе има повремен дожд, на планините од повремен снег.
Минималните температури ќе се движат од 7 до 14 степени. Во Скопје ќе биде сончево со мала до умерена облачност.
Попладне облачноста ќе се зголемува, а ќе дува слаб североисточен ветер. Температурата достигне до 11 степени.
