Актерот Џејсон Момоа се присетил на своите рани денови во “Game of Thrones”.
Во неделата, 39-годишниот Момоа кој во првата сезона на мегапопуларната серија на “HBO” го глумеше Кал Дрого, споделил фотографија “зад сцената” од тоа доба. На фотографијата која ја направил неговиот најдобар пријател Брајан, насмеаниот Момоа лежи во комби, лоцирано на “некој тивок паркинг” во ирскиот Донегал.
Како што напишал тој на Инстаграм, помеѓу снимањата на епизодите имало кратка пауза, а тие биле “премногу шворц за да летаат дома”, па наместо тоа изнајмиле “U-Haul”.
“Толку носталгичен. Го пронајдов ова чепкајќи низ телефонот”, ја започнал Момоа својата објава. “Оф-роуд на некој тивок паркинг во Донегал. Тоа беше едноставен момент со најдобриот пријател”.
Инаку, од улогата на “Game of Thrones”, Џејсон Момоа се претвори во вистинска филмска ѕвезда. Момоа стана планетарно познат и по филмот “Aquaman”, а оваа улога ќе ја повтори во барем уште две продолженија, од кои првото пристигнува во 2022 година.
