Мајката на дете кое се крстело во неделата во Лимасол, Кипар најавила тужба против свештеникот кој ја оддржувал церемонијата на крштевање бидејќи бил исклучително груб кон бебето.
Тој агресивно го потопувал бебето во водата, а тоа постојано плачело, а по церемонијата било полно со модринки по целото тело. На видеото се забележува како мајката во еден момент се тргнува настрана бидејќи не можела да го гледа таквото мачење, а свештеникот упорно одбивал да престане.
„Сум крштевал многу деца. Кога забележав дека детето е под стрес, настојував да го завршам ритуалот што побрзо“, изјавил свештеникот за кипарските медиуми, но ниту извинувањето нема да го спаси од тужба на родителите против него.
