Кога ја делите канцеларијата со колега, голема е веројатноста да знаете повеќе за него отколку неговите најблиски. Поминувате осум часа заедно, повеќе отколку што тој истиот поминува со своето семејство, ако се изземе времето за спиење.
Ова го говорам затоа што вакво нешто сигурно не би му поминало дома, ама додека е на работа тој покажа колку далеку е спремен да оди, зошто миењето шолји биле “женска” работа.
Ако некогаш сте се сомневале дека постојат мажи кои и натаму ги делат работите на “машки” и “женски”, токму мојот колега Васе ви е претставник на таквите – да, сè уште постојат.
Дури и најзакоравените меѓу машките колеги што ги имам на работа, повремено потклекнуваат и прават нешто “нечесно” за својот пол, но овој примерок веќе со години ја брани својата машкост.
Колку е е спремен далеку да оди – покажува и неговата шолја за кафе. Знаеме дека миењето на садови е “женска” работа и дека ниеден маж кој држи до себе не би се фатил за таа работа. Тоа го знае мојот колега Васе, па со денови и недели ја заобиколува својата шолја за кафе.
И ние останатите ја заобиколувавме, бидејќи без разлика на назадните сфаќања, секој треба да си се грижи за сопствениот неред, без разлика на полот. И така, додека ние глумевме дека не постојат неизмиени шолји, таа си доживеа некој свој живот, и тоа во буквална смисла.
Така е, шолјата е преполна со мувла, па дури и со сламката во неа.
ДАЛИ Е БЕЗБЕДНО ДА СЕ ПИЕ ОД МУВЛОСАНА ШОЛЈА?
Не, не е безбедно. Дали е безбедно да се пие и натаму од шолјата откако ќе се измие? – Зависи. Треба добро да се стерилизира пред да се употреби.
