Со техниката за препознавање на лица, вештачки ги остареле фотографиите од малиот Мао Јин, па неговите фотографии биле споредени со националната база на податоци со фотографии и лични документи за да се пронајдат најсличните лица.
Кинезот кој бил киднапиран кога имал две години, 32 години подоцна со помош полицијата ги пронашол своите биолошки родители. Мао Јин во 1988-на година имал 2 години кога пред хотел во градот Ксиан бил киднапиран, соопштила локалната полиција.
Детето било продадено на пар без деца во соседната покраина Сечуан, кој го одгледал како сопствено дете. Во понеделникот мажот конечно ги сретнал своите биолошки родители.
Неговата мајка Ли Јингзи на државната телевизија “CCTV” рекла дека по киднапирањето на нејзиното дете го напуштила работното место и безуспешно поделила повеќе од 100.000 известувања за киднапирањето. Во април полицијата добила дојава дека еден маж во Сечуан во текот на 1980-тите години купил дете.
Со техника на препознавање на лица, полицијата вештачки го остарела малиот Мао Јин, па неговите фотографии биле споредени со фотографиите од националната база на податоци, за да се најдат најслични личности.
Му влегле во траг на Мао Јин во Сечуан, каде водел продавница за внатрешно уредување. Со ДНК тест било потврдено дека тој бил киднапираното дете. Пораснал без да знае дека бил киднапиран и сега повеќе не сака да ги напушти своите биолошки родители, со кои што сака да живее.
Последните десет години кинеската полиција помогнала да се пронајдат 6.300 деца со помош на ДНК тестови, пренесува официјалната новинска агенција “Нова Кина“. Киднапирањето на деца било често во текот на 80-тите, кога се спроведувала политика на едно дете по семејство и кога се зголемила побарувачката за машки деца.
