Очигледно е дека во Манчестер Јунајтед се свестија дека немаат друг избор, па ќе мораат да го засилуваат тимот во јануари.
„Црвените ѓаволи“ ни оваа сезона не блескаат, иако менаџерот Оле Гунар Солскјер потроши доста пари во текот на летото.
Раководството на тимот од „Олд Трафорд“ и за јануари подготви пари со цел норвешкиот стручњак дополнително да го засили својот тим, а неговите желби се сосема јасни.
„Дејли Стар“ тврди дека на Солскјер му се одобрени 90 милиони фунти со цел во јануари да го доведе играчот за врска на Њукасл Шон Лонгстаф и напаѓачот на Лион Муса Дембеле.
Двајцата фудбалери се поврзуваа со Јунајтед и во текот на летото. Меѓутоа, конкретни понуди немаше, а тие би требало да се случат во јануари.
Останува да се види дали Јунајтед на крајот ќе успее да ги ангажира и колку тие навистина ќе можат да и помогнат на екипата од „Олд Трафорд“ во продолжението од сезоната.
По седум одиграни кола во Премиер лигата, тимот од Манчестер е на 10. место со девет освоени бода.
