Само Пеп, само стратегот на Манчестер Сити е виновен за тоа што им се случи на “граѓаните“ во Лисабон во 1/4 финалето во ЛШ против Лион, и раната елиминација. Тоа е ставот на дел од сопругите на играчите на Сити по се она што се случуваше во завршницата во ЛШ. Посебно остра беше Влада Седан, сопругата на Оликсандр Зинченко, украинскиот интернационалец.
Преубавата Влада, која работи како ТВ водителка, во една своја колумна директно го обвини Пеп дека само тој е виновен за големиот неуспех.
“Веројатно немам право ова да го кажам, веројатно дека и Оликсандр би ми забранил, но ќе бидам пристојна, иако би упатила пцовки…Ова е исклучително вина на Пеп Гвардиола, и само на Пеп Гвардиола. Друго е да бидете елиминирани од Баерн Минхен, ама од Лион, од седмиот тим во Франција, е тоа е премногу. За клуб од рангот на Сити, па ни Пеп не смее да експериментира со тактиката и тоа во пресудините моменти. Видете, некој ќе рече, ти немаш право да критикуваш, но зошто некој туку така одлучи да игра со три стопери. Останав без зборови кога го видов составот, кога ја видов формацијата на Сити на мечот со Лион. Погледнете ги само играчите што беа на клупата, само два – три клуба во светот може да играат против тој “резервен“ тим на Сити“ заврши Влада.
Дали на овие нејзини зборови има нешто да каже Пеп?
Инаку повеќе од 50% од фановите на Сити се согласиле дека Влада е во право. Тоа значи дека Пеп не е веќе омилен кај навивачите на “граѓаните“.
Конечно барем на нив им текна дека со тој стратег никогаш Сити нема да го освои “ушлето“ во Лигата на Шампионите.
Каков е тој тренер кога една манекенка, сопруга на Зинченко, ги лоцираше сите негови грешки во поглед на тактиката, и до кога шеиците ќе му даваат толку милијарди да троши за бадијала, а никогаш нема да им го донесе пехарот во ЛШ.
