На социјалните мрежи се појави снимка на која се гледа како возрасен маж шутира мирно куче пред некој локал. Кучето е мирно не прави ништо, а се претпоставува дека лицето на снимката е Бране Јовановски, независен советник од општина Македонски Брод.
Откако го шутира кучето, човекот го мести чергичето пред локалот и заминува.
Луѓето кои ја објавиле снимката добиле пораки да ја избришат истата, за да не се прави драма бидејќи реакцијата била поради чергата на која лежело кучето.
А1он стапил во контакт со Јовановски, а тој рекол дека не знае за снимката. На прашањето дали има шутирано куче, тој рекол “Море, што ме малтретираш човек, што е проблемот. Абе пијан човек, куче на улица како куче на улица. Ма што има па со тебе да се расправам јас. Остај ме да спијам, не сум арен, остај ме да спијам ајде”, рекол тој за A1он, без притоа да одговори на поставеното прашање.
На социјалните мрежи се бара одговорност за ваквото однесување, како и санкции од страна на полицијата. Градоначалникот на Македонски Брод, Живко Силјаноски не е во градот, па реакција од него за овој инцидент се уште нема.
Според Кривичниот законик, на сторителот му се заканува парична или затворска казна:
Тој што грубо злоупотребува животно или го изложува на непотребни маки или му нанесува непотребни болки или заради изживување го изложува на страдање, ќе се казни со парична казна или со затвор до една година.“
