Драган Марковиќ Палма, лидер на Единствена Србија и член на српскиот парламент, ги повика водечките лекари, кои водат борба против епидемијата на коронавирус, „да се повлечат од јавноста и да ги остават граѓаните на мира“. Марковиќ особено го спомна епидемиологот Предраг Кон кога рече дека „кога и да го вклучи телевизорот, Кон е на една од програмите“.
„Д-р Кон, честитки, но секогаш кога ќе вклучам канал, тука е д-р Кон. И никој од тие експерти немаше точна прогноза бидејќи тие рекоа дека кога ќе дојде летото, вирусот ќе исчезне поради високите температури “, рече Марковиќ во обраќањето за време на седницата на собранието, додавајќи дека тој„ почнал да се плаши од д-р Кон“.
Тој им предложи на лекарите, кои главно зборуваат за коронавирусот во медиумите, да се појавуваат помалку во јавноста и доколку некој треба да разговара, тоа треба да бидат „лекари кои лекуваат граѓани во болници“.
„Сакам да ги замолам лекарите малку да се повлечат и психолошки да не остават на мира. Луѓето паѓаат во депресија. Не сакам веќе бре да ги гледам како одржуваат пресконференции од по два часа и да ми кажуваат што се случило оваа недела“, нагласи Марковиќ.
Според него, коронавирусот стана секојдневие со кое Србија треба да се справи, но без дополнителен психолошки удар.
Марковиќ оцени дека Србија, во однос на другите земји, многу добро се бори против вирусот, бидејќи имала добра превенција, а државата се грижи и за своите граѓани.
