Веста за смртта на Диего Марадона како земјотрес го погоди Неапол, италијанскиот град каде Аргентинецот имаше статус на божество.
Марадона токму во Наполи го доживеа најзначајните моменти во клупската кариера. Аргентинецот помина извонредни седум години во Наполи и за тоа време освои две титули во Серија А, Италијански куп, италијански Суперкуп, и триумфира во Купот на УЕФА. За навивачите на Наполи тоа е доволно да остане вечно во нивните срца.
Муралот на Марадона на една стара зграда е една од најпознатите туристички атракции во Неапол.
Диего за жителите на Неапол е речиси исто што и Папата за католиците и поради тоа воопшто не чуди идејата на градоначалникот Луиџи де Магистрис, стадионот на Наполи, „Сан Паоло“ да биде преименуван во чест на денеска починатиот Марадона.
– Диего Армандо Марадона, најголемиот фудбалер на сите времиња го сакаше нашиот град и му даде толку многу на Неапол. Да се нарече стадионот по него и најмалку што ние како граѓани на Неапол можеме да го направиме за да му оддадеме признание за се што стори за нас – порача Де Магистрис.
Naples mayor Luigi De Magistris has called for Napoli’s San Paolo stadium to be renamed after Diego Maradona.
“Diego made our people dream, he redeemed Naples with his genius.”
— Get Italian Football News (@_GIFN) November 25, 2020
