Руската одлука да се стопира увозот на праски од Македонија, од денес стапува на сила. Министерот за земјоделство, шумарство и водостопанство, Љупчо Николовски, тврди дека Македонија не е официјално известена за одлуката на руските власти, а информациите ги дознале од официјалните руски страници. Николовски вели дека никој не знае колкави ќе се штетите кои би можеле да се предизвикаат со стопирањето на извозот од Македонија кон Русија.
Според руската служба за фитосанитарна контрола, увозот го стопираат бидејќи бил пронајден црв во пратките од Македонија. Министерот Николовски, ваквата руска одлука ја препишува на отежантите комуникации по промената на владината структура во Русија. Николовски најави извоз на праските во други земји, со цел да нема штети.
„Ние на секој начин се трудиме да обезбедиме пласман. Чекаме Русија да каже. Контролите од Македонија се засилени“, рече Николовски.
Дали извозот на праски ќе продолжи, ќе се знае по контролите на надлежните органи во Македонија и Русија, а зависи и од комуникацијата помеѓу властите.
Забрана за увоз на праски во Русија има и Србија.
