Вчера, докторот на американскиот претседател Доналд Трамп ја открил здравствената состојба на претседателот и способноста да ги извршува своите должности, откако се прошири веста дека има сериозни здравствени проблеми.
Доктор Шон Конли, изјавил:
„Можам да потврдам дека претседателот Трамп не доживеал помал или пак поголем мозочен удар или пак било каков акутен кардиоваскуларен итен случај, како што пренесуваат медиумите.
Претседателот уште е во добро здравје и не се грижам за неговата способност да го одржи строгиот распоред кој што го очекува“ – додал Конли.
Како што е наведено во мојот последен извештај, очекувам да остане способен за извршување на должноста претседател“ – изјавил тој, пренесуваат од „Ројтерс“.
It never ends! Now they are trying to say that your favorite President, me, went to Walter Reed Medical Center, having suffered a series of mini-strokes. Never happened to THIS candidate – FAKE NEWS. Perhaps they are referring to another candidate from another Party!
— Donald J. Trump (@realDonaldTrump) September 1, 2020
Од друга страна пак, претседателот се огласил на Твитер:
„Ова е неверојатна работа! Тие сега се обидуваат да кажат дека јас, вашиот омилен претседател, испратен сум во медицинскиот центар Валтер Рид, откако сум претрпел низа мозочни удари.
Тоа се лажни вести, тоа не се случува со останатите кандидати за претседател. Можеби мислеле на некој друг претседател од некоја друга партија“ – додал Трамп.
