Интересни тонови, монохроматски, отмено и едноставно – сите елементи во стилот на Анџелина се тука, но прикажани се на еден поубав начин.
Холивудската актерка Анџелина Џоли (46), вчера во Белата куќа присуствувала по повод измена на Законот за насилство над жените.
Една од најпознатите жени на светот веќе некое време се занимава со активизам во врска со ова прашања, а сега истакнала дека долго се надевала на ова подобрување кое се случило.
„Ова за секого е лично. За секој кој му значи семејството, децата, кој се грижи за сопствената безбедност и здравјето на својата заедница. Мислам дека оваа земја не препознава какви се размерите на проблемите со насилство во семејството и злоупотреба на децата“, истакнала Анџелина.
Актерката на прославата се појавила стилизирана без грешка, како и вообичаено, а изданието кое го избрала за оваа прилика е едно од најдобрите досега.
Анџелина избрала да носи тоа што е карактеристично за нејзиниот моден стил – едноставност, еднобојност и неутрални земјени тонови.
Таа се појавила во фустан со широки ракави кои паѓаат покрај телото, а фустанот многу суптилно ја истакнува нејзината фигура.
Струкот бил нагласен со помош на ременот, а фустанот го потпишува модната куќа „Валентино“.
Должината на фустанот е до под колената и зрачи со софистицираност која е главна одлика на сите модни комбинации кои Анџелина ги носи во последно време. Својот стајлинг таа го заокружила со лакирани беж салонки.
Ваков класичен аутфит бара ефектен накит, па Џоли одлучила да носи обетки со бисери и многу нежна шминка во светлокафеави тонови, додека пак косата ѝ била пуштена и малку превиткана на краевите.
Дали ви се допаѓа?
