Специјалниот претставник на Министерството за надворешни работи на Русија за руско-американските хуманитарни врски, актерот Стивен Сигал ја посети Венецуела.
Познатиот актер во Каракас се сретна со претседателот Николас Мадуро.
На снимките кои ги објави државната телевизија на Венецуела може да се види како Сигал му подарува меч на претседателот на Николас Мадуро. Тој направи неколку потези со самурајскиот меч, а потоа мечот го зеде Мадуро кој исто така се обиде да ги импресионира присутните.
Да потсетиме, во 2016-та година Сигал доби руски пасош, а во 2018-та година беше именуван за специјален претставник на руското Министерство за надворешни работи за руско-американските хуманитарни врски и заедничкото културно-историско наследство.
