За само неколку дена на виделина излегоа криминали од над 45 милиони евра, пари на граѓаните кои СДСМ сака преку наводни иновации и крвави тендери да ги испумпа во џебови или фирмите блиски до СДСМ, рече Наум Стоилковски, портпарол на ВМРО-ДПМНЕ, како реакција на изјавата на пратеникот од СДСМ, Костадин Костадинов.
„Доколку Костадинов сака да говори за криминал, нека го праша колегата Локвенец како успеа да добие грант за набавка на опрема за наводна иновативност на неговата печатница. Кога зборува за криминал, се прашал ли Костадинов како Венко Филипче дозволи анонимна човек-фирма да учествува како единствен понудувач на тендер дебел 35 милиони евра? Или како вицепремиерот вели дека неговите компании се самостојни а потоа им нареди да се повлечат од доделениот грант? Може и советничката на Заев да објасни дали снашката ја основала фирмата за да добие 330 000 евра по препорака на свекрвата“, рече Стоилковски.
Зоран Заев, додаде тој, е единствениот политичар во Република Македонија кој прифати да се откаже од името и Уставот и да ги прифати грчките црвени линии.
