Владејачката холандска народна партија за слобода и демократија “VVD” на премиерот Марк Руте, бара воведување на затворски казни за спасување на животи на море.
“Идеалистите” кои без дозвола извлекуваат луѓе од чамците мора да бидат обвинети за давање помош во шверц на луѓе, навела партијата на Руте, а барањето добило мнозинска поддршка во парламентот, пренел холандскиот дневен весник “AD”.
“Организациите кои наменски пловат покрај брегот на кои шверцерите на луѓе се активни, всушност ја сочинуваат последната алка во овој ланец на шверцери кој се протега до Африка. Станува збор, всушност, за акции за превоз, а не спасување”, навел пратеникот на таа либерална партија, Јерун Ван Вајнгарден.
The Netherlands has grounded Sea Watch, the last ship that was saving drowning Mediterranean migrants, because…it doesn't meet strict new safety rules for ships saving drowning migrants. https://t.co/2c4pdnLMdK
— Matt Steinglass (@mattsteinglass) April 5, 2019
Во склад со тоа, либералите бараат членовите на екипажите кои пловат под холандско знаме, како што тоа било случај со бродот “See Watch 3”, може да добијат затворска казна до четири години, или парична до 83.000 евра, додека за таквите спасувачи без дозвола, според италијанскиот пример, следи парична казна.
Во Италија вчера капетанот на бродот “See Watch 3”, Германката Карола Ракете, по домашниот притвор излегла пред судија под обвинение дека ја игнорирала забраната на италијанскиот воен брод и со неколку спасени давеници доловила без дозвола до островот Лампедуса.
"I would have been a dead body by now."
After over two weeks at sea, these migrants have finally been rescued. But it came at a price. pic.twitter.com/hReANQnaBl
— AJ+ (@ajplus) July 3, 2019
Бидејќи ниедна земја на спасените давеници не им дала дозвола да се симнат од бродот, таа по 14 дена немала друга можност, освен да се откаже.
Италијанската влада ја обвинила за шверц на луѓе, а судијата ги отфрлил обвиненијата и навел дека всушност постапувала исправно исполнувајќи ја својата обврска како капетан на брод.
“Според членовите 255 и 450 на Кривичниот законик, во Холандија е казниво да не се помогне на луѓе кои се наоѓаат во животна опасност. Но, бегалците мораме да ги оставиме да се удават”, е еден од коментарите во жестоката дебата на Твитер.
