Пакистанската војска тврди дека во средата наутро соборила два индиски авиони кои го нарушиле воздушниот простор на земјата во спорниот регион Кашмир. Од Исламабад е потврдено дека е заробен еден индиски пилот.
Претходно авионите на индиското воздухопловство пресретнале најмалку три пакистански воени авиони кои минале во индискиот воздушен простор преку спорната област Кашмир, јавиле индиските власти.
“Reuters” наведува дека изворот од Индија им рекол дека нивните авиони пресретнале најмалку три пакистански, а според најновите информации кои ги пренесуваат сите светски медиуми, пакистанските авиони пукале и собориле индиски авиони во својот воздушен простор.
Веста е потврдеа од пакистански воени извори кои наведуваат дека еден индиски пилот е заробен.
“Како одговор на нападот на воените воздухопловни сили на Пакистан, утрово индиската авијација ја нарушила линијата на контрола, фактичката граница која ги дели двете соседни земји во Кашмир. Воените воздушни сили на Пакистан собориле два индиски воени авиони кои го нарушиле воздушниот простор на Пакистан. Еден од авионите паднал на територијата Азад Кашмир, а другиот во делот на линијата на контрола”, напишал портпаролот на пакистанските вооружени сили, генерал-мајор Асиф Гафур на својот профил на Твитер.
Овој инцидент се случува ден по индискиот воздушен напад на Пакистан.
Во меѓувреме, индиската власт го затворила меѓународниот аеродром Шеих ул Алам во Сринагару во Кашмир.
Индија ден претходно го бомбардирала кампот за обука на исламски екстремисти, кој се наоѓа во пакистанскиот дел на Кашмир.
До вриење на односите меѓу двете нуклеарни сили дошло откако исламски фанатици на 14-ти февруари убиле 40, а раниле 20 индиски војници.
