Една од најгледаните програми со име „Добро утро Британијо“, често знае да биде на мета на критики поради непрофесионални потези на водителот Пирс Морган, но во овој случај тој не бил виновен.
Сега таа улога ја имал неговиот гостин, по пат на видео линк, боксерот Мајк Тајсон кој што „најблаго“ кажано бил чуден, видно изгубен и успорен.
Тајсон со своето последно појавување на телевизија ги загрижил своите навивачи, а се појавил на екраните за да го промовира своето враќање во рингот, во 54-та година од животот.
Во еден момент Тајсон ја наведнал својата глава и само молчел, а водителскиот пар бил видно збунет, додека американскиот боксер продолжил да зборува многу споро и давал кратки одговори, но и за тоа му било потребно многу време.
Во видеото може да се забележи дека се труди да се сконцентрира, а загрижените гледачи оставале коментари, од кои најчести биле: „Дали Мајк е изморен, болен или пак користел некакви опијати?“.
