Републиканката Кејтлин Џенер најави дека ќе се кандидира за гувернер на американската сојузна држава Калифорнија.
Џенер, родена како Брус Џенер, активистка за правата на трансродовите лица, преку својот Твитер профил соопшти дека поднела првично барање да се кандидира на таа позиција, пренесува „AP“.
I’m in! California is worth fighting for. Visit https://t.co/a1SfOAMZQ3 to follow or donate today. #RecallNewsom pic.twitter.com/9yCck3KK4D
— Caitlyn Jenner (@Caitlyn_Jenner) April 23, 2021
Кандидатурата на Кејтлин Џенер, која во Америка е позната и како пензиониран добитник на златен медал на ОИ, може да им донесе победа на републиканците речиси две децении откако Арнолд Шварценегер, исто така републиканец, ја искористил својата холивудска слава како отскочна штица за највисоката државна функција во 2003-та година.
Актуелниот гувернер на Калифорнија, Гавин Њусом, оваа година би можел да се соочи со избори за отповикување, бидејќи изборните службеници продолжуваат да ги контролираат потписите за петициите кои се потребни за да се стави отповикувањето на гласање, а неколку други републиканци исто така највавиле дека ќе се кандидираат.
