Како што стојат работите, англиската Премиер лига пред малите екрани ќе се врати на 8 јуни и истата ќе треба да го дочека својот крај во последните денови од месец јули.
На оваа информација најмногу се израдуваа љубителите на фудбалот во Англија, но и навивачите на Ливерпул кои ќе може да ја прослават титулата по чекање од цели 30 години.
Натпреварите секако дека ќе се одиграат без присуство на публика, но она што го разгледуваат од телевизиските куќи „Скај Спортс“ и „БиТи Спорт“ ќе може да долови атмосфера како да има публика на стадионите. Имено, сите кои ќе ги следат натпреварите ќе слушаат звуци како стадионот да е полн, а ќе бидат монтирани и навивачките песни на домашните екипи.
Конечна одлука за овој, мора да се признае интересен предлог, се уште не е донесена, но истата се очекува да с едонесе во наредните неколку денови.
