Тензично на Блискиот исток: Сиријците тврдат дека со рускиот ракетен систем собориле израелски авион, Израелците тврдат дека тоа е лага!

843

Од безбедносните сили на Сирија соопштија дека против-воздушната одбрана на земјата успешно соборила израелски борбен авион и уште четири други ракети над населбата Кисва.

„Нашата против-воздушна одбрана собори израелски авион и четири ракети пред да стигнат до нивната цел“, открил извор од сириската армија за тамошните медиуми и додал дека рускиот против-воздушен систем успешно ги срушил сите лансирани ракети кон областа Кисва во Сирија.

„Нашата против-воздушна одбрана е способна со висока прецизност да ги одбие сите непријателски закани“, порачал тој.

Претходно, сириски воен извор за руската новинска агенција „Спутник“ изјави дека ПВО системите на Сирија собориле неколку мети на небото над јужниот дел од земјата, но не прецизираше што е конкретно соборено.

Исто така, доцна синоќа воени извори од Израел откриле дека борбените авиони на израелското воено воздухопловство извеле низа на напади на иранските бази во Сирија. Портпаролот на израелската армија демантираше дека израелски воен авион бил соборен во Сирија.

„Тоа е лага“, накратко изјави портпаролот на израелската армија.

Руската новинска агенција „РИА Новости“ исто така синоќа објави дека сириската против-воздушна одбрана соборила израелски воен авион. Според информациите на споменатата новинска агенција, од сириските безбеносни сили им било потврдено дека сириската ПВО одбрана соборила и четири израелски ракети.

ПОВРЗАНИ НАПИСИПОВЕЌЕ ОД АВТОРОТ